Written by 10:45 下午 Featured, 滴滴仔與艾迪

艾迪隨筆015 兒時玩意

啱啱響facebook見到有人提起呢一種兒時玩意,突然想緬懷一下童年,整返個出嚟畀大家睇。
70年代香港大部分家庭並唔係高富裕,孩童嘅物質大部分都唔係咁豐富,所以當時嘅細路包括我都係動腦筋諗嘢玩,呢類咁嘅紙雕流行響我小學嘅時代,當時大部分同學雕刻嘅都係卡通人物,當你雕刻完之後你將個成品借比個同學,搵張紙然後用鉛筆印咗佢落嚟,個同學返屋企跟番線條調雕刻後,又可以有一個屬於佢自己嘅通花卡通人物。
最重要呢一種玩意非常平,有紙有鉛筆有介刀就已經玩得,整一個仲玩你一個晏晝,好鬼抵玩。
不過當年因為帶返學校同啲同學仔交流,一時不慎比高年班嘅紏察捉到,我辛辛苦苦嘅紙雕就咁畀佢揸皺掉曬,不過我最後都執番搵本書夾反直佢,但我已經冇印象點解全部唔見曬,只能夠存在自己回憶嘅一部分 😁
(Visited 7 times, 1 visits today)
Close